Барселона не е веќе така моќна ниту кога игра на „Камп Ноу“. Тимот на Роналд Куман едвај спаси бод на домашен терен против Гранада играјќи 1-1. Поради овој резултат, можеби и ќе следи отказ за Куман во наредните денови.
Гранада изненади уште во втората минута кога Дуарте му побегна на Френки де Јонг и ја погоди мрежата на Тер Штеген.
Куман направи очајни потези во второто полувреме, го внесе Пике како напаѓач, а често и Араухо одеше да го засили скокот во нападот. Во 90.минута, токму Араухо со удар со глава успеа да донесе израмнување за Барселона.
