Јирген Клоп, менаџерот на Ливерпул, пријатно изненади навивач кој боледува од канцер испраќајќи му писмо со поддршка.
„Драг Крис, се надевам дека не ти пречи што ти пишувам. Само сакам да знаеш дека сите во семејството на Ливерпул се со тебе. Тоа се многу луѓе. Понекогаш застанувам и мислам колку луѓе ме поддржуваат јас и моите играчи, тоа ме фасцинира. Држењето заедно го прави овој клуб толку посебен.
Се надевам дека нема да им пречи овојпат да зборувам во име на сите нив кога ќе ви кажам дека сите сме со вас. Тоа не се само зборови, вие сте навистина важни за нас. Кога ги слушам моите играчи како зборуваат за тоа што им помага во тешки времиња, една од клучните работи што ја потенцираат е поддршката од клубот и навивачите.
Ми велат и дека семејството им е најважно. Веројатно не треба да ви го кажувам ова, бидејќи ми беше кажано дека имате одлично семејство и пријатели околу вас кои се обидуваат да ве поддржат.
You´ll Never Walk Alone“, напиша Клоп во писмото што братот на Крис го објави на Твитер.
