Поранешниот младински репрезентативец Димитар Митровски се наоѓа на пробен период во Партизан. Еден од најталентираните фудбалери во селекцијата У21 од минатиот циклус, во моментот е слободен агент откако замина од Спортинг Лисабон.
Тој би можел да потпише за Партизан и по завршувањето на преодниот рок со оглед дека има слободни документи.
Митровски ја почна во Работнички, потоа замина во младинските тимови на Ханза Рошток и на Магдебург, а оттаму заврши во Спортинг Лисабон. Сепак, не успеа да се наметне за да избори место во сениорскиот тим на португалскиот шампион.
