Италијанскиот првак Интер ќе успее да ја исполни и последната желба на тренерот Симоне Инзаги. Раководството на „нероаѕурите“ е многу блиску до ангажман на Хоакин Кореа, крилниот напаѓач на Лацио. Тој би требало да пристигне на едногодишна позајмица, со клаузула за комплетен откуп на договорот следното лето.
Интер за позајмицата на Лацио веднаш ќе му плати 5 милиони евра, а следното лето ќе плати уште 23 милиони евра за комплетирање на трансферот. Дополнителни 3 милиони евра ќе бидат врзани и со бонуси за успесите на фудбалерот во новиот клуб.
По заминувањето на Ромелу Лукаку, италијанскиот шампион веднаш го доведе Един Џеко, го договори трансферот на Андреа Белоти од Торино, а најверојатно ќе успее да го доведе и Хоакин Кореа. Со тоа навалната линија на Интер сериозно ќе биде засилена.
