Бенфика издржа со фудбалер помалку во Андховен, ремизираше без голови на реваншот против ПСВ и обезбеди пласман во групите од Лигата на шампионите. Португалскиот тим првиот меч во Лисабон го доби со 2-1 и тоа беше клучно за пласманот во елитното натпреварување. Шансата на натпреварот за ПСВ не ја реализираше Ерхан Захави кога осамен од неколку метри ја погоди гредата наместо празната мрежа.
Јанг Бојс славеше со 2-3 на гости против Ференцварош и потврди дека во моментот е подобар тим, со оглед дека победи и во Швајцарија. Лудогорец оствари пирова победа (2-1) против Малме. Шведскиот тим на првиот дуел славеше со 2-0 и се пласира во групите од ЛШ.
