Европскиот првак Челси сака да го доведе Жул Кунде од Севилја во одбраната. 22-годишниот дефанзивец е еден од најбараните играчи од одбранбената линија ова лето. Севилја не се сложува да го продаде за помалку од 80 милиони евра, но Томас Тухел сака да си ја испроба среќата.
Сепак, Челси ќе мора прво да го реализира трансферот на Курт Зума во Вест Хем и да ослободи место за ангажман на Кунде.
Челси претходно го доведе Ромелу Лукаку од Интер за 115 милиони евра, а со евентуалното доаѓање на Кунде, тимот од „Стемфорд бриџ“ дефинитивно ќе ја истакне својата кандидатура за освојување на сите трофеи.
