Елиф Елмас постигна прекрасен гол во триумфот на Наполи (2-0) над Венеција на отворањето од новата сезона во Серија А. „Дијамантот“ стрелаше во 73.минута со прецизен удар од 12 метри, а претходно Лоренцо Инсиње од пенал го доведе Наполи во водство во 62.минута. Капитенот на Наполи во 56.минута и не реализира пенал, а тимот играше со фудбалер помалку од 23.минута кога беше исклучен Виктор Осимен.
Мурињо со триумф стартуваше на клупата на Рома. „Волчицата“ на „Олимпико“ ја победи Фиорентина со 3-1. Мхитарјан донесе водство, но Заниоло доби црвен картон, а Миленковиќ израмни во 60.минута. Сепак, Верето со два гола, во 64. и во 79.минута, донесе победа за Рома. Фиорентина остана со фудбалер помалку уште од 17.минута, кога беше исклучен голманот Драговски.
