Актуелниот италијански првак Интер на одличен начин ја почна одбраната на шампионската титула во Серија А. Новиот тренер Симоне Инзаги го пофали својот тим за играта и победата над Џенова (4-0).
На „Џузепе Меаца“, играчите на Интер ги декласираа своите ривали од Џенова, и сите беа брилијантни, а особено новите засилувања Един Џеко и Хакан Чалханоглу кои постигнаа по еден погодок и забележаа асистенција.
„Започнавме на најдобар начин пред навивачите, не можев да очекувам подобро деби. Сигурен во квалитетите на тимот и верувам дека ќе расте во текот на сезоната. Заминувањето на Лукаку беше неочекувано, но го поправивме со Џеко, кој веднаш покажа дека е врвен играч. Чалханоглу беше одличен, сите беа одлични, и не заборавајте дека ни недостасуваа играчи како Лаутаро, Галјардини, Санчез …” , истакна новиот тренер на „нероаѕурите“.
