Холандскиот ас Арјен Робен кој по вторпат одлучи да стави крај на кариерата, сепак, не може без фудбалот. По најново, тој е помошен судија. Фотографијата која е направена во неговиот роден Гронинген, стана вирален хит на интернет.
Неговиот помал син Каи Робен, кој има девет години, настапува за пионерскиот тим на Гронинген, а Робен се пријави да биде помошен судија на пријателскиот натпревар што го играа младите сили. Очигледно дека е премногу вљубен во фудбалската игра и не може така лесно да седи на страна.
