Европскиот првак Челси има проблеми со коронавирусот. На последното тестирање позитивен на Ковид-19 бил Кристијан Пулишиќ кој веднаш е изолиран и нема да биде достапен најмалку десетина дена. Тој нема да може да им помогне на соиграчите на лондонското дерби против Арсенал в недела.
„Топчиите“ исто така имаат проблеми со коронавирусот. Надвор од тимот поради тоа се Александре Лаказет, Вилијан и голманот Рунарсон. Капитенот Пјер Емерик Обамејанг успеа да го надмине коронавирусот, доби два негативни теста и се очекува да биде во тимот за неделниот дуел со Челси.
