Германскиот првак Баерн Минхен најверојатно ќе успее да го убеди репрезентативецот Леон Горецка да остане на „Алијанц арена“. Неговиот актуелен договор истекува наредното лето, а раководството на клубот подготви нова петгодишна соработка според која тој би заработувал 15 милиони евра по сезона. Тоа е речиси двојно зголемување на платата за одличниот играч за врска.
За Горецка постои интерес од Реал Мадрид и од Манчестер Јунајтед, но тие би сакале следната година да го потпишат како слободен агент. Со новиот договор, Горецка ќе биде втор најплатен фудбалер на Баерн Минхен, веднаш зад Роберт Левандовски.
