УЕФА ги објави номинациите за играч и тренер на годината

Европската куќа на фудбалот (УЕФА) го скуси изборот на кандидати номинирани за престижните награди за најдобар фудбалер и за најдобар тренер за изминатата сезона.

Во конкуренција кај играчите се Жоргињо, фудбалерот кој со Челси ја освои Лигата на шампионите, а со Италија стана европски првак, потоа неговиот соиграч од Челси, Нголо Канте, и фудбалерот на Манчестер Сити, Кевин де Бруин.

За најдобар тренер номинирани се селекторот на Италија, Роберто Манчини, менаџерот на Челси, Томас Тухел, и менаџерот на Манчестер Сити, Пеп Гвардиола.

Победниците ќе бидат познати на 26 август, кога ќе се изврши ждребот за групите во Лигата на шампионите за новата сезона.