Португалскиот интернационалец Бернардо Силва размислува за заминување од Манчестер Сити откако на „Итихад“ пристигна Џек Грилиш. Тоа значи дека тој би имал многу помала минутажа во тимот на Пеп Гвардиола во претстојната сезона, а од друга страна „граѓаните“ ќе мора да продадат најмалку една ѕвезда за да го задоволат финансискиот фер-плеј на УЕФА. Изборот е сведен токму на Бернардо Силва.
Арсенал се обидува тоа да го искористи и да го доведе португалскиот ас на „Емирати“. Сепак, Бернардо Силва уште еднаш ја одби понудата од „топчиите“. Тој преферира да замине од Премиер – лигата доколку одлучи да го напушти Манчестер Сити. Прва опција за него се уште е шпанскиот првак Атлетико Мадрид.
