Англискиот премиерлигаш Тотенхем се вклучи во трката за напаѓачот на Наполи, Лоренцо Инсиње. Италијанскиот репрезентативец се уште не го обновил договорот со клубот кој му истекува следното лето и е подготвен да ги слушне понудите за заминување од Неапол.
Крилниот напаѓач води преговори и со Интер, но се чини дека Тотенхем би бил подобра опција за Инсиње. Наполи бара отштета од 30 милиони евра.
Инсиње минатата сезона одигра 48 мечеви во дресот на Наполи во сите натпреварувања, постигна 19 голови и забележа 11 асистенции. Тој со „аѕурите“ ја освои титулата на Европското првенство.
