Барселона успешно ја стартуваше новата ера во Ла Лига, без Лионел Меси во тимот. Тој замина во ПСЖ, но во каталонскиот тим се уште има доволно квалитет за да оствари триумф (4-2) над Реал Сосиедад.
Жерар Пике со удар со глава донесе водство во 19.минута, а Мартин Брајтвајт зголеми на 2-0 непосредно пред одморот. Брајтвајт беше стрелец и на третиот гол за Барса во 59.минута и се чинеше дека се е готово.
Но, Реал Сосиедад се врати во финишот. Лобете намали на 3-1 во 82.минута, а Ојарзабал три минути подоцна одлично изведе слободен удар. Сепак, Серхи Роберто не дозволи Барселона да испушти бодови и ги постави конечните 4-2.
