Вест Хем успешно ја стартуваше новата сезона во Премиер – лигата славејќи на гости против Њукасл со 2-4. Домаќинот имаше водство по првиот дел (2-1), со головите на Калум Вилсон и на Џејкоб Марфи, а за Вест Хем погоди Арон Кресвел.
Тимот од Лондон имаше неверојатни 13 минути во второто полувреме во кои постигна дури три гола. Бенрама во 53.минута израмни на 2-2, Соучек донесе пресврт, откако реализираше на одбиена топка по пеналот што не го искористи Антонио. И конечно, и Антонио се запиша меѓу стрелците во 66. минута од дуелот.
