Шпанскиот првак Атлетико Мадрид има мисија да ја врати својата поранешна ѕвезда Антоан Гризман на „Ванда Метрополитано“. Тренерот Диего Симеоне верува дека со него во тимот, Атлетико Мадрид би бил прв фаворит за титулата во Ла Лига. „Јорганџиите“ денеска ја почнуваат одбраната на трофејот освоен лани.
Барселона е во финансиска криза, а Атлетико Мадрид сака тоа да го искористи и да го врати Гризман назад во Мадрид. Францускиот интернационалец би се согласил на ваков потег, а се чини дека и Барса би го продала за 70 милиони евра, само за да се ослободи од неговата огромна плата на „Камп Ноу“.
И по заминувањето на Меси, Барселона е во финансиска криза, едвај успеа да ги регистрира новите фудбалери, дури откако Жерар Пике се сложи на ново намалување на неговата годишна плата за да не биде пробиен лимитот.
