Белгискиот интернационалец Мичи Батшуаи е на добар пат да се пресели во Турција и да го засили актуелниот првак Бешикташ. Напаѓачот кој е под договор со Челси ќе мора да го напушти „Стемфорд бриџ“, таму за него нема многу простор за игра, посебно сега откако и Ромелу Лукаку пристигна во Лондон.
Токму затоа Мичи Батшуаи е во завршни преговори со Бешикташ. Го потврди тоа и тренерот Серген Јалчин.
„Клубот е во завршни преговори со Мичи Батшуаи. Ако се биде в ред, го очекувам да ни се приклучи во текот на наредната седмица“, изјави Јалчин.
