Италијанскиот репрезентативец Мануел Локатели е на чекор до потпис на договор со Јувентус. Преговорите кои траат повеќе од еден месец влегуваат во завршна фаза, а во текот на денешниот ден треба да се случи и конечниот „дил“ за потпис на договорот.
Подолг период Јувентус нуди 30 милиони евра за трансферот на Локатели, но Сасуоло бара отштета од 40 милиони евра. Се очекува овие разлики да се „испеглаат“ со клаузули за евентуални бонуси кои би ги добил Сасуоло за успесите на Локатели со новиот клуб.
Одличниот фудбалер за врска блесна на Европското првенство во дресот на Италија, а имаше забележителни игри и за Сасуоло минатата сезона во Серија А.
