Босанскиот интернационалец Един Џеко својата кариера ќе ја продолжи во Интер. Италијанците тврдат дека се договорени сите детали и дека поранешниот напаѓач на Рома денеска ќе ги заврши медицинските прегледи, по што ќе потпише договор со „нероаѕурите“.
Џеко со италијанскиот шампион ќе потпише двегодишен договор вреден 5,5 милиони евра, а „волчицата“ ќе добие околу 2 милиони евра како обештетување.
Босанецот ќе го облече дресот со број „9“, кој се ослободува со заминувањето на Белгиецот Ромелу Лукаку во Челси за 115 милиони евра.
Џеко во кариерата играше за Желeзничар, Теплице, Волфсбург и за Манчестер Сити, а во моментов се наоѓа на третото место на најдобрите стрелци на Рома на сите времиња со 119 голови.
