Францускиот гигант Пари Сен Жермен ја закупил Ајфеловата кула за 10. август, а тоа веројатно значи дека Лионел Меси ќе биде претставен на грандиозен начин како ново засилување на тимот. Последен пат ова се случи при доаѓањето на Нејмар од Барселона за фантастични 222 милиони евра, што се уште е најголемиот трансфер во историјата на фудбалот.
Лионел Меси беше договорен со Барселона да потпише нов договор, но синоќа дојде шокантна информација дека Ла Лига не може да дозволи каталонскиот гигант да го лиценцира Аргентинецот поради преголемите отстапки од клупскиот буџет.
По оваа информација, ПСЖ веднаш тргна во акција и се чини дека веќе го договори доаѓањето на Меси во Париз. Тој викендов би требало да потпише двегодишен договор со Пари Сен Жермен.
