Момчето од 100 милиони фунти: Манчестер Сити го претстави Грилиш (ФОТО)

Англискиот репрезентативец Џек Грилиш е нов фудбалер на актуелниот првак Манчестер Сити. „Граѓаните“ платија 100 милиони фунти на Астон Вила за реализација на овој трансфер и го урнаа рекордот во Премиер – лигата.

Грилиш потпиша шестгодишен договор со Манчестер Сити.

„Среќен сум што дојдов во клуб кој има врвни амбиции во Премиер – лигата и во Лигата на шампионите. Едноставно не можев да ја пропуштам можноста да тренирам под раководство на најдобриот тренер во светот, Пеп Гвардиола“, изјави Џек Грилиш при презентацијата.