Азербејџанскиот прволигаш Зира го претстави македонскиот интернационалец Ѓорѓи Стоилов како ново засилување. Ова е прв меѓународен предизвик за одличниот играч за врска.
25-годишниот фудбалер потпиша договор на две сезони, со опција за уште една дополнителна година ако и двете страни се задоволни од соработката.
Ѓорѓи Стоилов досега го носеше дресот на Хоризонт Турново и на Академија Пандев, а има и два настапи за македонската фудбалска репрезентација.
