Челси наиде на неочекуван проблем во обидот да го ангажира стоперот на Севилја, Жул Кунде. Клубот од „Стемфорд бриџ“ се надеваше на договор со Шпанците во трансфер вреден вкупно 59 милиони евра. Нивната намера беше да платат за Французинот, но и да го испратат својот стопер, Курт Зума, на „Рамон Санчез Пижуан“ како дел од обештетувањето.
Сепак, Зума сака да остане во Премиер – лигата и тоа значително го отежнува договорот помеѓу Челси и Севилја.
Опцијата Зума да остане во Англија, поточно во Лондон, е многу можна, бидејќи Вест Хем е заинтересиран за него. „Чеканите“ се подготвени да платат 23,5 милиони евра за неговото доаѓање. Челси ја проценува цената на Курт Зума на 29 милиони евра, а прашање е дали Вест Хем би се согласил да издвои толку пари.
