Англискиот фудбалер Трент Александер Арнолд го продолжи договорот со премиерлигашот Ливерпул до 2025 година, објави клубот од „Енфилд Роуд“.
„Тоа е единствениот клуб за кој знам, и затоа времето минато тука и продолжувањето на престојот на подолг рок е нешто неверојатно за мене и за моето семејство“, изјави англискиот репрезентативец.
Арнолд, кој потекнува од младинската школа на Ливерпул, дебитираше за сениорскиот тим во 2016 година.
Во дресот на Ливерпул одигра 179 натпревари и беше дел од екипата која по триесетгодишна пауза ја освоија шампионската титула во сезоната 2019/20.
Ливерпул во првото коло од новата сезона во Премиер – лигата му гостува на Норич, на 14 август.
