Данскиот интернационалец Симон Кјаер ќе остане на „Сан Сиро“ до 2023 година. Тој ќе потпише нов двегодишен договор со подобрени услови и ќе ја добие капитенската лента на „росонерите“. 32-годишниот дефанзивец одигра одлично за репрезентацијата на Данска на Европското првенство, а раководството на Милан сака да го задржи и во наредните две години.
По заминувањето на Џанлуиџи Донарума, столбот на одбраната Кјаер ќе ја добие и капитенската лента на Милан во новата сезона. „Росонерите“ по подолг период ќе се вратат и во Лигата на шампионите.
