Европскиот првак Челси покажа голем интерес да го врати Ромелу Лукаку во своите редови, и му понуди договор според кој би заработувал 10 милиони евра годишно. Интер би добил отштета од 130 милиони евра, но Белгиецот не сака ни да слушне за враќање на „Стемфорд бриџ“.
Лукаку јасно порача дека не сака да се врати во клуб во кој никој не веруваше во него и каде не ја доби шансата што ја очекуваше кога пристигна од Андерлехт летото 2011 година за 15 милиони евра.
„Во Интер сум среќен. Не размислувам за ништо друго освен за претстојната сезона со мојот клуб. Не сакам да одам таму каде никој не веруваше во мене“, изјави Лукаку.
