Легендарниот шкотски фудбалски стручњак Алекс Фергусон ќе добие споменик пред стадионот Питодрие во Абердин како признание за неговиот успех во клубот.
Фергусон го водеше шкотскиот клуб од 1978 до 1986 година пред да се пресели на клупата на Манчестер Јунајтед. Со Абердин освои три шампионски титули на Шкотска, четири купови и Куп на победниците на куповите.
Тој го презеде Манчестер Јунајтед по Абердин, освојувајќи дури 38 трофеи.
„Воодушевен сум и почестен од ова признание. Поминав фантастичен и незаборавен дел од мојата менаџерска кариера во Абердин “, изјави Фергусон за веб-страницата на клубот.
Бронзената статуа ќе се заснова на фотографија на Фергусон кога ја слави освоената титула во Шкотска во 1980 година.
