Аргентинскиот ас Лионел Меси се врати во Барселона по заслужениот одмор што го доби за настапот на Копа Америка и освоената титула со „гаучосите“. До крајот на оваа седмица тој и официјално треба да го потпише новиот договор со каталонскиот гигант и да ги расреши сите дилеми околу останувањето на „Камп Ноу“. Сите детали се договорени.
Меси во наредните пет години ќе заработува по 300.000 евра неделно, тоа е двојно помалку од претходните 600.000 евра кои ги добиваше за верност кон Барселона. Но, тој се сложи на намалување од 50% затоа што Барселона се наоѓа во голема финансиска криза поради пандемијата на коронавирусот.
