Српскиот првак Црвена Звезда го декласира Каират на домашен терен со 5-0 и се пласира во следното коло од квалификациите во Лигата на шампионите иако првиот меч во Казахстан го загуби со 1-2. Александар Катаи беше стрелец на два гола, а погодија и Лоис Диони, Марко Иваниќ и Филипо Фалко. Шериф Тираспол ќе биде следниот противник на Црвена Звезда.
Митјиланд по продолженија успеа да го елиминира шкотскиот Селтик славејќи со 2-1. Рафаел Ониедика го постигна победничкиот гол за данскиот претставник во 94.минута.
Мура, тимот што доминантно ја елиминира Шкендија, е поразена од Лудогорец. Бугарскиот шампион славеше дома со 3-1 и обезбеди пласман понатаму.
ПСВ Ајндховен и во реваншот го победи Галатасарај (1-2) и со вкупни 7-2 се пласира во следното коло. Понатаму одат и Јанг Бојс и Спарта Прага.
