Англискиот првак Манчестер Сити има јасна цел, да ги доведе Хари Кејн и Џек Грилиш на „Итихад“ ова лето. Тотенхем и Астон Вила се „тврди играчи“, но парите сите ги омекнуваат. Во тој стил работи и раководството на „граѓаните“.
Манчестер Сити испрати понуда вредна 110 милиони евра до Астон Вила за купување на нивниот најдобар фудбалер и англиски репрезентативец. Пеп Гвардиола веќе имал разговор со Џек Грилиш и тој е согласен да му пристапи на Сити. Последната одлука сепак ќе ја има Астон Вила која во обид да го задржи одличниот офанзивец ја израмни неделната плата од 200.000 фунти која би ја добил и од Манчестер Сити.
