Англискиот премиерлигаш Ливерпул е заинтересиран за играчот за врска на Интер и италијански репрезентативец, Николo Барелa, пренесува италијанскиот весник „Република“.
Играчот од средниот ред, кој беше незаменлив дел од репрезентацијата на „аѕурите“, што го освои Европското првенство пред неколку дена, се проценува на 60 милиони евра, што Ливерпул наводно е подготвен да ги плати.
Се чинеше дека Ливерпул не сака да троши премногу, особено по доаѓањето на Ибрахим Конате, кој беше платен околу 40 милиони во Лајпциг. Сепак, Јирген Клоп сака засилување и за средниот ред.
Флоријан Нојхаус, Ренато Санчез, Јури Тилеманс и Саул Нигуез се споменуваа како можни засилувања на Ливерпул, но засега нема ништо од тоа. Николо Барела е најновата цел на клубот од „Енфилд Роуд“.
