Арјен Робен, еден од најдобрите холандски фудбалери во последните две децении, стави конечен крај на фудбалската кариера. Тој изненадувачки реши да се реактивира во матичниот клуб Гронинген, откако претходно се повлече по завршувањето на договорот со Баерн Минхен. Но, повредите повторно го спречија да ја одигра сезоната.
Робен во богатата кариера настапуваше и за ПСВ, Челси, Реал Мадрид и за Баерн Минхен и освои титули во Холандија, Шпанија, Англија и во Германија. Со репрезентацијата на Холандија во 2010 година во Јужна Африка стана светски вицепрвак.
