Бразилец е, но еден од најголемите успеси во кариерата Жоргињо го оствари во дресот на Италија. Стана европски првак со „аѕурите“, запишувајќи го своето име во историјата како еден од ретките играчи на кого му успеало во една сезона да слави двојно.
Жоргињо е само десетти фудбалер кој во една сезона успеа да ги освои трофеите на Европското првенство и во Лигата на шампионите. Со Челси славеше во елитното европско клупско натпреварување, а со Италија го освои ЕВРО 2020.
Играчот за врска беше еден од најголемите адути на селекторот Роберто Манчини во селекцијата на Италија.
