Ди Марија го урна проклетството: Аргентина го освои трофејот на Копа Америка (ВИДЕО)

Репрезентацијата на Аргентина го урна проклетството и по цели 28 години успеа да го освои пехарот на Копа Америка. По шест загубени финалиња, „гаучосите“ конечно славеа во голем натпревар благодарејќи на Анхел Ди Марија. Тој во 22.минута, по асистенцијата на Родриго де Пол, со лоб удар успеа да го надмудри Едерсон и ја затресе мрежата на „кариоките“.

Финалето беше тактички дуел, на теренот се играше грубо, трофејот беше поважен од се. Бразил притисна во вториот дел, се обидоа Ришарлисон и Габриел Барбоса, но без ефект.