Англија е во финалето на Европското првенство откако синоќа ја победи Данска со 2-1. Полуфиналниот натпревар беше решен со сомнителен пенал во првото продолжение.
Стерлинг влезе во шеснаесетникот и падна по многу благ контакт со Мехле. Макели досуди пенал, а по консултација со ВАР не отиде ниту да го погледне видеото. Ударот на Кејн од белата точка го одбрани Шмајхел, но топката повторно беше одбиена до англискиот напаѓач кој од вториот обид ја испрати својата репрезентација во финалето против Италија.
„Не сум сигурен дека сакате да слушнете што ќе ви кажам“, беше првата порака од славниот тренер Жозе Мурињо во анализа за британскиот „TALKSport“.
“Сепак, ќе го кажам она што го видов. Можеби не ви се допаѓа … Не беше пенал! Подобриот тим победи, Англија е фантастична и заслужена во финалето, но тоа никогаш нема да биде пенал. Не ja разбирам одлуката на судијата, особено на ова ниво и во полуфиналето на ЕВРО. Уште помалку ја разбирам одлуката на судиите од ВАР – собата да не реагираат. Како љубител на фудбалот сум среќен што Англија е во финалето, но и тажен за патот по кој дојд до него“, изјави Мурињо.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski