Фудбалската репрезентација на Англија доминантно се пласираше во полуфиналето на Европското првенство откако на „Олимпико“ во Рим ја прегази Украина со 4-0. Селекцијата на Герет Саутгејт се уште нема примено ниту еден гол, а Хари Кејн и другарите се покажаа во напаѓачка улога во престолнината на Италија.
Данска е следниот ривал за Англичаните кои сега се враќаат на „Вембли“ и дома ќе се обидат да го освојат посакуваниот пехар. По 25 години, првпат ќе играат во полуфиналето, и тоа пред домашната публика.
Хари Кејн уште во четвртата минута донесе водство за Англија, а Украина имаше надежи до крајот на првиот дел. Со почетокот на второто полувреме, Хари Мегваер со удар со глава зголеми на 2-0 во 46.минута, а четири минути подоцна Хари Кејн погоди уште еднаш за тотален крах на Украинците.
Во 63.минута и Џордан Хендерсон се запиша меѓу стрелците за убедлив триумф на Англија.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski