Капитенот на Реал Мадрид и на шпанската фудбалска репрезентација, Серхио Рамос, ја продолжува кариерата во Пари Сен Жермен. Радио Монте Карло ексклузивно објави дека сè е договорено околу еден од најинтересните трансфери ова лето.
Серхио Рамос ги договорил деталите за двегодишниот договор со ПСЖ. Поточно, тоа го направи неговиот брат, кој е и агент на легендарниот дефанзивец. Рамос во наредните неколку дена ќе ги мине деталните лекарски прегледи во Париз и ќе стане играч на ПСЖ.
Договорот на Рамос со Реал заврши на 30 јуни, а клубот му понуди продолжување минатата година. Сепак, со оглед на возраста на Рамос (во март наполни 35 години) и кризата со короната, „кралевите“ му понудија продолжување на само една сезона и 10% намалување на платата.
Рамос заработуваше 12 милиони евра годишно, па не би го ни почувствувал намалувањето, но не сакаше да се согласи на намалување на платата. Покрај тоа, тој инсистираше на продолжување на соработката за две години. Перез во никој случај не сакаше да попушти и ова доведе до разделба. Сега Рамос ќе го носи дресот на Пари Сен Жермен.
-
МАКФУДБАЛ ТИМ НА ПОЛУСЕЗОНАТА
Силекс заврши на врвот по првиот дел од сезоната во Првата лига, благодарејќи на...
Автор makfudbal
-
МАКФУДБАЛ ИГРАЧ на полусезоната: Али Регба (Работнички)
Работнички е најпријатното изненадување на првиот дел од сезоната во Првата фудбалска лига. „Романтичарите“...
Автор makfudbal