Англискиот премиерлигаш Тотенхем конечно успеа да постави нов менаџер на тимот за следната сезона. Португалскиот менаџер Нуно Еспирито Санто ќе го води составот на “спарс” во наредниот период.
Тој потпиша повеќегодишен договор со раководството на Тотенхем. Доаѓа од редовите на Вулверхемптон и добро ја познава конкуренцијата и приликите во Премиер – лигата.
По ангажманот на нов менаџер, раководството на Тотенхем може да се посвети на формирање на ростерот за следната сезона. Клучно ќе биде да се види дали ќе може да го задржи капитенот Хари Кејн во Лондон.
