Италија синоќа по продолженија ја елиминира Австрија победувајќи со 2-1 и се пласираше во четвртфиналето на Европското првенство.
Селекцијата на Роберто Манчини го урна и рекордот за број на минути без примен гол. Тие успеаја да поминат 1.145 минути без примен гол и со тоа да го урнат сопствениот рекорд кој траеше од 1972 до 1974 година, а изнесуваше 1142 минути. Сега на голот на Италија беше Џанлуиџи Донарума, а тогаш за „аѕурите“ бранеше легендарниот Дино Ѕоф.
