Новиот второлигаш Воска доведе три засилувања

Новиот второлигаш Воска од Охрид следната сезона ќе се натпреварува во Втората лига Запад, а амбициозно го отвори трансфер маркетот. За нов тренер е ангажиран Раде Цицмиловиќ, а веќе се доведени и три нови засилувања.

Дресот на Воска во новата сезона ќе го носат Ардит Демир, Шпенд Асани и Емир Алиу. Раководството на клубот најавува уште неколку нови имиња во продолжение на преодниот рок.