Владата на Романија донесе одлука за одобрување на 50% од капацитетот за присуство на навивачи на Националната арена во Букурешт за натпреварите од Европското првенство. Но, засега УЕФА се уште не оди на тој чекор.
Според информациите од ФФМ, а по контактите со УЕФА, засега се останува на првично одредената бројка од 33% исполнетост на стадионот.
„Информација од УЕФА по прашањето за зголемување на капацитетот на стадионот во Букурешт: Во моментот УЕФА останува на првично одредената бројка од 33% исполнетост на стадионот во Букурешт. Информациите од УЕФА ќе ги споделиме веднаш доколку има промена во однос на тоа прашање. До овој момент останува првичната бројка“, информираат од ФФМ.
