Откако се приклучи на Белгија пред ЕВРО, Еден Азар сака да ја заборави тешката сезона со Реал Мадрид. Тој често беше повреден, а на крајот „кралевите“ не успеаја да ја освојат титулата.
Сепак, нема мир од случувањата во Ла Лига и во селекцијата на Белгија. Додека Азар даваше интевју за белгиската национална телевизија, се уфрли Јаник Караско и запеа „шампиони, шампиони!“
Караско игра за Атлетико Мадрид, градскиот ривал на Реал, и одигра значајна улога во освојувањето на титулата.
„Многу добро, многу добро. Честитки, пријателе, неверојатно“, мораше да признае Азар и саркастично намигна со палците нагоре.
