Даглас Луис го засили Нотингем Форест

Нотингем Форест официјално го претстави новото засилување – бразилскиот репрезентативец Даглас Луис, кој пристигнува од Јувентус.

27-годишниот играч за врска доаѓа на едногодишна позајмица за сума од 3 милиони евра, а следното лето договорот може да биде откупен под одредени услови. Според англиските медиуми, тие услови се поврзани со бројот на настапи што Даглас Луис ќе ги запише за Форест.

„Бјанконерите“ го доведоа Даглас Луис минатото лето од Астон Вила, но тој не успеа да се наметне во составот на „старата дама“.

Во својата кариера, Бразилецот настапувал и за Васко да Гама, Манчестер сити и за Џирона.

За репрезентацијата на Бразил има 17 одиграни натпревари.

Ready to represent. ❤️‍🔥 pic.twitter.com/dzpeLhOK62

— Nottingham Forest (@NFFC) August 21, 2025