Англискиот премиерлигаш Челси ќе реагира веднаш по освојувањето на трофејот во Лигата на шампионите и ќе го продолжи договорот со Томас Тухел. Германскиот стратег дојде на половина од сезоната и потпиша 18-месечен договор.
Раководството на клубот сега размислува за продолжување на соработката со Тухел најмалку до 2023 година откако покажа дека е способен за големи дела и го одведе Челси до победа од 1-0 во финалната пресметка со Манчестер Сити.
Каи Хаверц беше стрелец на победничкиот гол за „сините“ од Лондон во големото финале.
