Левандовски го урна рекордот на Герд Милер, Вердер испадна од Бундес-лигата (ВИДЕО)

Баерн Минхен со триумф од 5-2 го заокружи новиот шампионски трофеј во Бундес – лигата, а Роберт Левандовски испиша историја уривајќи го рекордот на Герд Милер. Тој во 90.минута го постави конечниот резултат и го постигна 41 гол оваа сезона во германскиот шампионат, надминувајќи го фантастичниот рекорд на Герд Милер.

Кингсли Коман, Џошуа Кимих и Серж Гнабри стрелаа во првото полувреме, а гостите си постигнаа автогол уште на стартот. Левандовски исчекуваше до самата завршница и на крајот погоди.

Вердер Бремен испадна од Бундес-лигата откако на домашен терен загуби од Борусија Менхенгладбах (2-4) и му даде шанса на Келн со триумфот од 1-0 над Шалке да се избори за бараж за опстанок во елитата. Себастијан Борноу беше стрелец на победничкиот гол за Келн.

Борусија Дортмунд со 3-1 го совлада Баер Леверкузен, а Ерлинг Халанд беше двоен стрелец за „милионерите“.