Интер ја освои шампионската титула во Серија А по пауза од 11 години, но куса беше радоста за резултатскиот успех на „Џузепе Меаца“ затоа што финансиските проблеми го мачат клубот од Милано. Претседателот Стивен Жанг по седум месеци пауза се врати во Италија и побара од фудбалерите и од стручниот штаб да се откажат од последните две плати, со што клубот би спасил околу 30 милиони евра во овој критичен финансиски период.
Но, одговорот на Антонио Конте и на фудбалерите не му се допадна на кинескиот сопственик. Тие не сакаат да се откажат од парите што ги имаат заработено со освојувањето на шампионската титула.
Поради ова, Антонио Конте најверојатно веќе донел одлука да замине, а на удар се и најголемите ѕвезди, Ромелу Лукаку и Лаутаро Мартинез. Не затоа што не сакаат да останат во Интер, но бидејќи клубот се бори со ликвидност, а нивната цена на трансфер – пазарот е најголема.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski