Левандовски го израмни рекордот на Герд Милер, Шалке го урна сонот за ЛШ на Ајнтрахт (ВИДЕО)

Полскиот интернационалец Роберт Левандовски го израмни рекордот на легендарниот Герд Милер од 40 постигнати гола во една сезона, откако погоди од пенал за Баерн Минхен во ремито (2-2) против Фрајбург. Тој носеше маица со порака „4ever Gerd“, порачувајќи дека рекордот на Герд Милер засекогаш ќе се памети.

Ајнтрахт Франкфурт доживеа вистински шок откако загуби со 4-3 на гости кај испаднатиот Шалке. Со ова, практично е невозможно тимот од Франкфурт да оствари пласман во Лигата на шампионите.

Баер Леверкузен ремизираше (1-1) против Унион Берлин, а Херта одигра без голови против Келн. Аугсбург го совлада Вердер со 2-0 и се спаси од испаѓање, но Вердер е сериозно загрозен пред последното коло.

Дарко Чурлинов одигра половина час во триумфот на Штутгарт на гости против Борусија Менхенгладбах. Стрелци на головите за гостите беа Ендо и Калајџиќ.