Охрид Лихнидос го совлада тимот на Велешта со 1-0 на СРЦ „Билјанини извори“ и се израмни бодовно со ривалот во трката за бараж за пласман во елитната конкуренција. Дарко Цветаноски беше стрелец на победничкиот гол за охриѓани на овој дуел.
Скопје ја чува лидерската позиција и ја зголеми предноста на врвот откако славеше со 1-2 на гости против Кораби во Дебар. Христијан Кировски во десеттата минута донесе предност за гостите, израмни Блерон Муча од пенал во 37.минута, но во финишот беше досуден пенал и за Скопје, а во реализираше Иво Јанакиевски во 82.минута.
Дрита славеше 1-0 против Тетекс, а Гостивар и Велазерими одиграа 1-1.
