Барселона го совлада Хетафе со 5-2 на „Камп Ноу“ и ја продолжува трката за шампионската титула во Ла Лига. Тимот на Роналд Куман имаше сигурно водство, дозволи Хетафе да се доближи, но на крајот сепак ги разреши дилемите околу победникот.
Меси погоди во осмата минута, но потоа Ленгле си постигна автогол. И Хетафе подари гол со автогол, а несреќен беше потегот на Чакла во 28.минута. Меси пет минути подоцна зголеми на 3-1.
Во вториот дел, Хетафе од пенал преку Унал намали 3-2, но во финишот Араухо и Гризман од пенал го поставија конечниот резултат.
